മൈന്റ് പവര് ട്രെയിനിങുകളില് സാധാരണ പറയാറുണ്ട് നിങ്ങളുടെ പത്ത് സുഹൃത്തുക്കളുടെ പേരു പറയൂ, നിങ്ങള് എങ്ങനെ ഉള്ളവനാണെന്ന് ഞാന് പറയാം. അല്ലെങ്കില് നിങ്ങളുടെ പത്ത് സുഹൃത്തുക്കളുടെ വരുമാനം പറയൂ, അതിന്റെ ശരാശരി തന്നെയായിരിക്കും നിങ്ങളുടെ വരുമാനം. എന്റെ അനുഭവത്തില് ഈ തിയറി വളരെ ശരിയാണ്.
കുറച്ച് ക്വാളിറ്റി സുഹൃത്തുക്കള് വേണം എന്ന ആഗ്രഹത്തെ മുന് നിര്ത്തിയാണ് ഞാന് കഴിഞ്ഞ വര്ഷം കഥാസമാഹാരം പുറത്തിറക്കിയപ്പോള് അതില് തൂലികാസൗഹൃദത്തിനുള്ള ക്ഷണം ഉള്പ്പെടുത്തിയത്. 700 ബുക്ക് വിറ്റതില് നാല്പതോളം പേര് മാത്രമാണ് അതിനോട് അനുകൂലമായി പ്രതികരിച്ചത്. അതില് തന്നെ ഇരുപതോളം ആളുകള് മാത്രമാണ് പതിവായി കത്തുകള് അയയ്ക്കുന്നത്. അതില് ഉള്പ്പെട്ട ഒരു സുഹൃത്തായ ആരോഗ്യ വകുപ്പില് നിന്ന് റിട്ടയര് ആയ അരവിന്ദാക്ഷന് നായര് എന്ന എന്റെ അരവിന്ദേട്ടനാണ് ഈ മാറിയ കാലഘട്ടത്തില് സോഷ്യല് മീഡിയയെ ഉപയോഗപ്പെടുത്തി ബ്ലോഗ് എഴുതണം എന്ന് എന്നെ ഉപദേശിച്ചത്. മെയ് 5 ന് ലോഞ്ച് ചെയ്ത ഈ ബ്ലോഗ് മെയ് 21 ന് ഈ കുറിപ്പ് എഴുതുമ്പോള് 2500 പേരോളം കണ്ടു കഴിഞ്ഞു.
എന്റെ കഴിവില് വിശ്വാസമുള്ള അരവിന്ദേട്ടനെ പോലെ ഉള്ള സുഹൃത്തുക്കള് നിര്ലോഭം യാതൊരു ഈടും കൂടാതെ പണം തന്ന് സഹായിച്ചു. എന്റെ പുസ്തകം വായിച്ച് ഒരു നാല് മാസത്തില് താഴെയുള്ള പരിചയം മാത്രമുള്ള ആളുകളാണ് സഹായിച്ചത് എന്നോര്ക്കണം.
ഈ ലേഖനത്തില് ഞാന് ചര്ച്ച ചെയ്തത് സൗഹൃദങ്ങളെ പറ്റി ആണല്ലോ. നാളിതുവരെ ഉള്ള എന്റെ ജീവിതത്തില് എന്റെ കുറ്റം കൊണ്ട് മാത്രം ഞാന് നഷ്ടപ്പെടുത്തിയ സൗഹൃദങ്ങള് കുറവാണ്. പലരുടെയും നമ്പര് സംഘടിപ്പിച്ച് വര്ഷങ്ങള്ക്ക് ശേഷം അവരെ വിളിച്ച് അദ്ഭുതപ്പെടുത്തിയിട്ടുണ്ട്. എന്നെ ഞാനാക്കി മാറ്റിയത് അത്തരം സൗഹൃദങ്ങളാണ്. മൂല്യവത്തായ സൗഹൃദങ്ങളില് ഞാന് അര്പ്പിച്ച വിശ്വാസം നൂറിരട്ടിയായി തിരികെ തന്നതിന് എന്റെ എല്ലാ സുഹൃത്തുക്കളോടും നന്ദി പറയുന്നു.
എന്റെ ഈ ബ്ലോഗിലെ കഥകളും ലേഖനങ്ങളും ജനുവിന് ആയ വായനക്കാരിലേക്ക് എത്തട്ടെ എന്ന് പ്രാര്ത്ഥിച്ചുകൊണ്ട് ചുരുക്കുന്നു.
സ്നേഹപൂര്വ്വം
നിങ്ങളുടെ സ്വന്തം
ഗിരീഷ് നമശിവായം
All rights reserved. This article shall not be translated or copied in whole or in part without the permission of the author except for brief experts in connection with reviews or scholarly analysis.
For publishing this matter in any print or visual media Please call me . My Phone Number is 9495239904